ՀՖՄ կայքի հարգելի այցելու.

Համայնքների ֆինանսիստների միավորումը մշակել է ««Տեղական ինքնակառավարման մասին» ՀՀ օրենքում լրացումներ կատարելու մասին» օրենքի նախագիծ, որը վերաբերում է տեղական ինքնակառավարմանը քաղաքացիների մասնակցությանը: ՀՖՄ -ն` ՀՀ տարածքային կառավարման նախարարության Տեղական ինքնակառավարման վարչության հետ համատեղ, ս/թ ապրիլին Ախուրյան, Վանաձոր և Վայք համայնքներում կազմակերպել է այդ օրենքի նախագծի հանրային քննարկումներ, իսկ մայիսին նախատեսված են երկու քննարկումներ Երևանում, որից առաջինը տեղի կունենա մայիսի 11-ին, ժամը 10:30-ին, «Էրեբունի պլազա» բիզնես կենտրոնում: Քննարկումներն անց են կացվում ԱՄՆ միջազգային զարգացման գործակալության ֆինանսավորմամբ և «Քաունթերփարթ Ինթերնեշնլ Հայաստան» կազմակերպության օժանդակությամբ իրականացվող «Աջակցություն տեղական իշխանությանը մասնակցելու իրավունքի օրենսդրական կարգավորմանը և հանրայնացմանը» ծրագրի շրջանակներում:

Համայնքային երեք քննարկումների ժամանակ արված առաջարկությունները հաշվի առնելով, նշված օրենքի նախագիծը լրամշակվել է: Լրամշակված տարբերակին կարող եք ծանոթանալ այստեղ: Նախագծի վերաբերյալ Ձեր դիտողություններն ու առաջարկությունները կարող եք ուղարկել ՀՖՄ-ի էլեկտրոնային փոստին ` info@cfoa.am: